حلم ضايع
=======
عشت عمري وكنت عايش
حلم إني أكون لها
كنت فاكر إني شايف
إني هكسب قلبها
كنت بسمع كل كلمه تقولها ليا من سكات
كنت باجي كتير عليا
لجلها ست البنات
حب مني ضعف مني
لما بسمع إسمها
أيوه إني غصب عني
من زمان بحبها
==============
عدا وقت كتير عليا
وهي عايشه لنفسها
واما حست لحظه بيا
ضيعتني في وقتها
قالت إني احس بيها
شيء دا بالنسبالها عيب
مهما هعمل برده ليها
هبقي في الأخر غريب
وإني لازم عنها أبعد
يعني من دلوقتي اغيب
وإنها من غيري أسعد
هو دا اللي اسمه النصيب
حاجه صعبه بجد صعبه
اللي سامعه منها
لو هتبقي دي ليا صدمه
عمري مااكسر قلبها
==============
حلم ضايع حب ضايع
من ايديا ببعدها
جرحي واجع أيوه واجع
بس مااقدر اقولها
جرحي منها أوعشانها
راضي مهما يكون كبير
راضي اغيب دلوقتي عنها
بس هي تكون بخير
هفضل ادعي ليها عمري
بكل حب وبضمير
ماانتي ليا حب عمري
بس انا اخترت المصير
هبقي عايش وحدي راضي
لما هبعد عنها
لو يكون إحساسي عادي
بس مش مكتوبلها
===============
احمد طلبه
ليست هناك تعليقات:
إرسال تعليق