سكران غصن الهوى/بقلم الشاعرة المبدعة /نانا علوه

سكران غصن الهوى ..

حاضن عصافير الحب..

عصفورة قلبها انكوى..

وعصفور يترغل ..

اجمل الالحان..

تتغندر قبالو ..

وتتركو حيران..

ضحكت وراق الشجر..

غار من حلاهن القمر..

وشردت عيونو بالسما..

يغمز النجمة.. يحكو بالوما

سبحان الله..

اجمل لوحة راسما

قمر يتغزل بنجمة

ومن ضحكتها..

محيت العتمة

وشعشعت انوار..

منرجع لعصافيرنا الزغار..

اللي تفيوا بضو القمر..

مدري رفاق..

مدري عشاق..

عصفورة مدللة..

وعصفور مشتاق..

شاردة عيونو بحلاها..

تسألو ومستحيي...

والحكي هربان..

يجاوبها بحنيي

معليش .. لا تعتبي عليي

قلبك بالحلا مليان ..

وعيونك..

عيونك خمرة الحب..

وانا .. سكران

بقلمي -نانا علوه