مهما بعدتي #
مهما بعدتي عني حبيبتي
ونسيتي أسمي وعنواني
وراميتي ورا منك حُبي
وكتبتي بداية حرماني
ح فضل احبك احبك احبك
حُب ملهوش حدود منعاني
واشرب كاس حُبك يسِكرني
فِ مواجع لِيلي الوحداني
مهما تتوه فِ عِنيكي ملامحي
مهماتُقصي فِ صورتي وتمحي
ح فضل شايل صورتك شايل
بين أحضاني وأقول وحشاني
إن كان قلبك أختار غيري
علشان كدا روحتي وسيبتيني
أنا وحياتك قلبي دا حالف
أنهُ يعيش راهب بعديكي
وان كان هجرك ليا أسِية
ليه وازاي وانا كل مافيا
خاضع ليكي وملِك إيديكي
كان يتمنى الرضا يرضيكي
واذا كان كل دا شيء متقدر
واللي مابينا خلاص اتكسر
راح اصّبْر قلبي واعيش
ع الزكرى يمكن بُكره
ترجعي تاني
مهما تتوه فِ عِنيكي ملامحي
مهماتُقصي فِ صورتي وتمحي
ح فضل شايل صورتك شايل
بين أحضاني وأقول وحشاني
ليه ياحبيبتي مَجاش
على بالك قبل ماتمشي
تقولي سلام
واستخسرتي فيا وداعك
خوفتي وداعي يكون بملام
ليه مَجتيش تحكي وتشكي لي
شايلة فِ قلبك ايه وارتاح
بدل الحيرة اللي بتكويني
مُر البُعد وجع وجراااح
ليه سيبتيني ما بين أوهامي
وحدي أسير فكري وظنوني
عَمال بسأل نفسي يوماتي
عن أسباب بُعدك ياعيوني
واذا كان كل دا شيء متقدر
واللي مابينا خلاص اتكسر
راح اصّبْر قلبي واعيش
ع الزكرى يمكن بُكره
ترجعي تاني
مهما تمُر سنين وسنين
مهما يشيب العمر حنين
ح فضل عاشق ليكي وعاشق
عشق يدوم على مر زماني
مهما بعدتي #
كلمات👈هاني شاكر طعيمة
مسجلة بالشهر العقاري
29/10/2018
ليست هناك تعليقات:
إرسال تعليق