مَيت بلا .. دِيَّه
🖎أشرف رسلان
👀👀👀👀👀
مَيلت يوم ع الودع
وشوشتُه بأسراري
قال لي يادي الجدع
قولي ... ولا تداري
فتحت قلبي وقُلت
كل ما بِيَّه
قالي الودع بِشويش
قَرب هنا .. شويه
سمعت منه الكلام
واصف لي بِيه
حالي
عَاشق أنا مَجروح
مَيت بلا .. دِيَّه
ناديت ع الودع من
تاني
طلبت منه نصيحه
إنه ما .. ينساني
قال لي القَمر مَخنوق
الليلة ماهيبان
كتم الودع كلمته
سابني ما .. حَياني
رَحلت عَنه بِحِيرَه
مِخبي إيه .. عني
أروح لمين وأشتكي
ومين يطمني
ليست هناك تعليقات:
إرسال تعليق