في المطار؛؛
في المطار ودعت حبيبي
ودمعه سالت عالخدين
وكلمه جوة عينيه بتقولي
فايتني ورايح فين
نزلت دموعي ومقدرتش أخبيها
ده حبيبي وقلبي وضي العين
قالي أستني شويه لسه مابنا كلام كتير
شوق وتنهيدة وحنين
متسبنيش وتسافر وتودع قلب حزين
مسكت أيديه ولقيتها ثلج ونار
والقلب بيدق بسرعه مستني قرار
ضميته لحضني بكل حنان
واتمنيت الوقت ينسانا زمان
ناس رايحين وناس جايين
ناس ماشيين ومش راجعين
وناس يتودع حبايبها
ودموع مليانة في كل مكان
فرحه وشوق مع حرمان
ولقاء بعد سنين عدت أوام
وبقينا أنا وحبيبي في المطار
وحدينا ولقينا ناس بتنادي علينا
نسينا الدنيا حتي أسامينا معدتش منا كمان
وجت ساعة الرحيل والعين سكتت عن الكلام
والشفابف ودعت من غير سلام
وأيدي لمست أيديه من بعيد وفلحظه لقيته عني بعيد
وانكسر القلب من جديد سنين تانيه كلها تعذيب
سنين وداع وفراق والعمر مستني بأشواق
في المطار كل الوجوه متغيره
متعرفش مين فرحان ومين زعلان
وشوش متلونه من الحرمان
ولآمتي مكتوب علينا دموع
ولحظة وداع مرة سفر ومرة رجوع
وأه ياقلبي الموجوع ...... في المطار
مجدي فاروق .. كلمات رقيقة
[
](https://www.facebook.com/photo.php?fbid=2636912139888853&set=gm.2469533046647350&type=3&eid=ARAJZK4mCnf-nh5UCbjqcN6y7e7yYBCffEAVSTRoVzCH7rLyqhKeD0dpNEkeNY55sZinKic432OFXBYV&ifg=1)
[
](https://www.facebook.com/photo.php?fbid=2636914416555292&set=gm.548771755706295&type=3&eid=ARAJVbioBEvQX5iWF2Pfx5Q_MA3m5vNoZFokqmIU6rR3WxC0ddsecoqDNwP3TgxummlK7gS-7BHGtbir&ifg=1)
ليست هناك تعليقات:
إرسال تعليق