نُون النِّسوَة بِتأثَر
🖎أشرف رسلان
👪👪👪👪👪👪
بالله عَليك مَا تِكسفها
و بيع العفش و الهِدمَه
و خُدها لشَرم صَيفها
لا تلوي بُوزها و النعمه
و لو هَديتها نِين عِينيك
برضوا بَخيل و بيقَطَر
و لو اديتها ما في إيديك
هاتقول دا فِيَّه مِستَخسَر
بتعشَق .. قَلبَك الطَّيب
و لا زَعلَك كِده .... قُريب
بِتدَلع وتِتبَغدِد على حِسَّك
و بعد شِوَية ...... بِتعَيب
ما تزعلش و تِتحَسر
دي نون النسوة بتأثر
ها تبقى روميو أو عنتر
غرام أو عشق مايغير
حبيبتك و أم لعيالك
و سَترَك هى ودعيالك
بالله عَليك مَا تِكسفها
وخلي معاها .. أموالك
هاتندم و الله مافارقه
فلوس الدنيا ماتساوى
حلاوة الكلمة و الرقه
وضحكة حلوة وحكاوي
ليست هناك تعليقات:
إرسال تعليق