خضَّاريات
"""""""""""""" إذا نامت عيوني صحصحوها
بلكي بشوف ياللي دثروها
حرفوها شوي حتى تصير حدي
وبعدها حرقوا عيني وقلعوها
أنا كرمال ياللي عم تنادي
راحت روح روحي رجعوها
يمكن أرجع شوي قليلة
وبعدها خدوا هالروح سجنوها
بعتت مرسال من قبل المنية
سلاك البرق قاموا قطعوها
وبعد مافقدت آمالي الحزينة
أتاري معشعش الوجدان فيها
قالت كنت أتعذب لحالي
كتر ماكنت بالأحلام جيها
وبعد ماصارت الدنيا مظلمة
إجت تندب وهنن سامعيها
قالت رحت ياأغلى الغوالي
قفال البيت دغري شلعوها
وبعدها فقت من نومه عميقة
لقيتا قاعدي وجنبا أبوها
وعم تشلي بأحاديث المودة
ياويلي بنومتي كيف رتبوها
رجعت تاجدد السهرة معاها
قاموا الأهل عني جنبوها
أتاري بالحلم كان فيه ألفة
ماكانوا على بعادي أجبروها
مظهرعبدالله خضار
ليست هناك تعليقات:
إرسال تعليق