فين العروبه
******
فين العروبه ياعرب
مين اللى كان بس السبب
مين اللى بكى دمعتى
مين اللى حرض ع الهرب
كنا زمان ذى الجبال
ذى الصقور وسط النبال
منخافشى ابدا م الرماح
نمشى نعدى ف المحال
دلوقتى كلمه وع الورق
متلقحين ذى الخلق
وكانه ملناش ف الطريق
الصعب خايفين م القلق
كل العدى قاعده تدوس
مين اشترى كل النفوس
مين اللى غير سكه كانت
مرسومه تاج فوق الرؤوس
مين يشترى حزمة عرب
كميه وسعات بالطلب
بالكيلو وسعات بالشوال
تقلقشى دى نضاف م الجرب
صدقنى ماركه مسجله
ملهاش غير ف البلبله
والارض باعوا والضمير
جابوا لقلوبنا العلعله
*********
عمرو تمساح ابوسفيان
ليست هناك تعليقات:
إرسال تعليق