اهداء لروح امى الغاليه فى ذكراها الرابعه
بتاريخ/ ١٩/ ١/ ٢٠١٦
قصيدة/ بحبك يا امى بحبك ياامى مهما البعد طال٠
بحبك وعارف رجوعك محال ٠
بحبك ودمعى سايل على الخدود٠
بحبك وشوقى اتعدى الحدود ٠ مين يقول ياامى انك رحلتى عن دنيانا٠
مين يقول وانتى عايشه فى القلوب جوانا٠
عايشه معانا وعايشه فينا حتى بعد الرحيل٠
يا امى ما انتى زيك فى الوجود مالوش مثيل٠
بحبك يا امى مها البعد طال٠
بحبك وعارف رجوعك محال ٠
بحبك ودمعى سايل على الخدود ٠
بحبك وشوقى اتعدى الحدود ٠
نفسى ياامى ترجعى تحكى زى مكنتى بتحكى زمان٠
ترجعى تمسحى دمع عيونى واحس معاكى بالامان٠
لسه ياامى بقول لك فاكر لما كنا زمان بنذاكر ٠ وأنتى كأنك شمعه جميلة بتنورى لينا فكل مكان ٠
بحبك يا امى مهما البعد طال٠
بحبك وعارف رجوعك محال ٠
بحبك ودمعى سايل على الخدود٠
بحبك وشوقى اتعدى الحدود٠
ضحيتى ياامى بكل غالى ضحيتى وسهرتى الليالى٠
وعاوز اقولك حاجه ياامى عندك حل من الاثنين٠
علشان انتى بتجرى فدمى وصورتك دائما جوه العين
يتخلينى اقدر انساكى ٠ يتعودى وتخدينى معاكى٠
بحبك ياامى مهما البعد طال٠
بحبك وعارف رجوعك محال ٠
بحبك ودمعى سايل على الخدود٠
بحبك وشوقى اتعدى الحدود ٠
شعر./ كمال البنا
١٧/ ١/ ٢٠٢٠
ليست هناك تعليقات:
إرسال تعليق