حياتي
السيد الشهاوى
وطيفك زارني في منامي
يا احلي احلي احلامي
طبطب علي صدري وصحاني
وشفتك طايره في الجنه
ذي عصفوره بتتنقل ما بين زهره
وبين زهره
وشفتك ويا حور العين
وتوبك من حرير اخضر
واستبرق وحاجه تسحر
وطبطبتي علي صدرى
وحلفتيني اقوم بدري
اصلي الفجر وادعيلك
واقول يارب يا ربي
يعدي العمر قوام ،،يجري
وف الجنه تقابليني
********
يابخت الجنه بقدومك
يا روح الروح
اكيد شفتي اللي سبقوكى
وحبوكي
اكيد كان يوم وفاتك
بالنسبه ليهم عيد
كنت فاكر أن في غيابك
حاتبقي بعيد،،،،بعيد
لقيتك وانت في غيابك
حكايه ساكنه جوايا
ساكنه شرياني والوريد
حكايه عمري يا عزه
بتملكني
وما نسيتكيش
ولا لحظه
ومانستكيش
يا عمر العمر ياعمري
ليست هناك تعليقات:
إرسال تعليق