الغابه فيها من السباع
أشكال كتير
و فيها زاحف عالبطون
و فيها طير
فيها اللي عايش
يومه خوف
فيها الزئير
و فيها بردو من الضباع
و سعات يكون الضبع
فيها مستجير
فيها الغزال
فيها الحمير
على كل لون
زي البشر
فيها العاهات
فيها الغنى
فيها الفقير
فيها اللي عايش
ف التبات
هتلاقى فيها اللي
قتل و اللي اتقتل
هاتلاقى فيها قرد شاف
و اقف بيحكي اللي حصل
ما تقولش فيها
الظلم ساد
الظلم دا في الغابه عدل
الظلم
لما عدلها يكون مسيطر
ع العباد
وتشم ريحته ف كل أرجاء
البلاد
و تلاقي فيها عدلها
عدل الغابات
ما تقولش فيها
ميزان عداله
جار ومال
ما تقولش فيها
العدل منداس
بالبياده أو بمال
ألعدل مش ممكن يميل
او يوم ينام
أو ليل يبات
قول عدلها مدبوح
و ميت من سكات
قول عدلها
أصبح رفاة
......
ماهرالنوبى
ليست هناك تعليقات:
إرسال تعليق