...
نصيحة الي كل رئيس
.....
هي كلمة راح أقولها
بالمختصر البسيط المفيد
لو عايز تبقي وتطول فيها
يبقي خليك ويا الفقير
حس بيه وخليه راضي
وما يحتاج لمد الايد
الفقير لو ترضيه هيكون سندك
هيكون عونك ، معاك واقف
وقت الشدة ، ووقت الضيق
أصل الفقير ، ماله مكان
يهرب ليه ، غير حضن بلده
يضمه ، يلمه ، ويأويه
الفقير حلمه بسيط
الفقير حلمه برئ
بيت من البرد يحميه
ولقمة عيش ، تقويه
ومدرسة ، تعلم أولاده
ودوا في مرضه ، يداويه
ويعيش آمن ، يومه وبكرة
مش خايف يصحي
علي ريح عاصف
تهد كل اللي بانيه
....
ياسمين عبد الرؤوف محمد
مصر
ليست هناك تعليقات:
إرسال تعليق