ابشر ياعم
----------
ابشر ياعم
هانعيش كمان تلاتين سنه
طم طم ترام طم طم
بقولك ايه
ياللى على راسك
شايل تلال الهم
ويا كل واحد بات
من غير عشا
ويا كل مظلوم اتظلم
ويا كل يائس او مريض
بايت يإن من الألم
انا ال طبيب
وف ايدى مشرط للورم
انا مش هوقفكم طابور
عشان تحيولى العلم
ده يبقى عيب
و انتو اللى بانيين الهرم
وانتو اللى مالينو ب كنوز
لكن الهرم بقالو سنين
من تحت منه بيتخرم
يا شعب شهم ومحترم
بقى بعد ما نصكم اتعدم
واكتركو اتفرم
و الشوارع والحوارى
بقت غرقانه دم
بقى بعد ما كسرولى سنانى
وبقيت اهتم
بقى بعد ما قفلولى الصحيفه
وقصفولى القلم
قولولى مين غيركم اهم؟
قولولى بمين اهتم
بقالكو سنين خايفين عليا
و بتقولولى اتلم
واسكت ياعم اسكت ياعم
وعاوزينى اعيش ابكم اصم
و بس للاستفتا اهتم
واقول نعم
وهما يشووا ف لحمنا
وافضل اشم
وناس تفرط فى الاراضى
وناس بتطفح سم
ويرشحولنا مدير غتت ورئيس تلم
وده يتسجن عشان سرق
وحرامى غيره ب بيستلم
والجرح عمال يزيد يزيد
ومش عاوز يلم
لا لأ ياعم كفايه زم
ابشر ياعم
@@@@@@
محمد العمرانى
ليست هناك تعليقات:
إرسال تعليق