استنزاف
@@@@
على التراب نايمين
ودماغنا خلف خلاف
ايام ما كونا نضاف
كات حرب لستنزاف
كونا كتاف فى كتاف
شوجعان ومش بنخاف
فى فرقة استكشاف
ومحددين اهداف
وانا كنت جندى ف وحدتى
قاعد بنضف خزنتى
شايل ف جيبى وصيتى
ومعايا اتنين من دفعتى
متدربين وخوفاف
عبد الله كان من قريتى
وسعد من جاردن سيتى
جايين ناخود بالتار
تدريبنا ليل ونهار
مدافيعنا فيها رادار
منصوبه فوق تابه
والتابه باستمرار
مكببا وقابه
زخيريتنا فى الصناديق
دايما ب تتعبا
وكل طلقة معمره
موقوته على طابه
كان التراب بيعيش
جوا شكاير خيش
والاكل والتموين
ساعات مابيكفيش
وعن السهر والتعب
ارجوك ماتسئلنيش
والفسحة والاجازت ايامها
بح مافيش
ايام ما كان السوس
هوا الغموس ف العيش
والميه كوكتيل جاز
وريحيتها ماتقوليش
عربيه ليها فونطاظ
وساعات تغيب ماتجيش
والعسكرى مننا
كان جته طول وبعرض
صابغ هدومو كولها
بلون توراب الارض
راضى وحامد ربنا
عمرو مافوت فرض
كونا كتاف ف كتاف
ايام ماكونا نضاف
ايام ماكونا نضاف
كات حرب الاستنزاف
@@@@@@
محمد العمرانى
ليست هناك تعليقات:
إرسال تعليق