................بتحكيلي عنه .....................
وإمته وريدها بينطق بأسمه
وامته بيوحشها شكله ورسمه
وأمته بيوجعها ف الدنيا همه
بتحكيلي عنه
وتوصف فرحها بساعه لقاه
وساعه مايسرح
وساعه ما يجرح
وساعه ماينطق بلوعه وااااه
وساعه ما يحضن خيالها بهمه
وساعه مافارقه وساعه ماضمه
بتحكيلي عنه
حاجات نفسي فيها
وقلبي الي عاشق تملي مداريها
وعايش خياله ف عشقه بحلمه
بتحكيلي عنه
واشوف بين حروفها حياتي ومووتي
وصوتها الي ناوي يزلزل سكوتي
هينطق يقوله
ماتحكيلي عنه
منا برده عاشق
وعشقي كاويني
بنام بس ديما خيالك يجيني
يزلزل كياني وبرده يداويني
بينسي السنين الي كانتله قبلك
ويحلم بلحظه ف خياله أنه قابلك
وعاش بين اديكي
وتبقي حقيقه ف وريده الي حسك
ونبضه الي ديما يحس أنه لامسك
بينبضني فيكي
تعالي ياصبحي الي غاب عن نهاري
خلاص مش هداري
واقول للخيال الي عاشق حياتي
ياريتك حقيقه
واعيش جوه نبضه بتبعد مماتي
معاك لو دقيقه
و اوصف لقلبك عزابي وأهاتي
ومشاعري البريئه
وافوق من خيالي واقول اني ذكري
هتفضل لبكره
وهتشوفي ديما حروفي الجريئه
لراحل ماعشي ف قلبك دقيقه
ياريتك حقيقه
ياريتك حقيقه
سالم ابوموج
ليست هناك تعليقات:
إرسال تعليق