أصعب قرار
كلمات الشاعر
زغلول الطواب
ليه عايز تسيبني وتهجرني
بعد الحب والعشره إللي بنا
منتا عارف يا حبيبي
قد أيه بحبك وبشتاق لقربك
دنتا لما كنت بتبعد عني ثانيه
كنت بشكيلك من طول الأنتظار
كنت بخاف عليك
من برد ليل الشتا
كنت بدفيك بالحنان
كنت بخاف عليك
من حر شمس الصيف
كنت بضلل عليك بالإبتسام
بصراحه يا حبيبي
أخاف عليك
من عين نعسانه تقابلك
أخاف في لحظ
ياخدك منى التيار
إياك يا حبيبي تبعد عني
وتغيب وياخدك ممي النسيان
لو كنت ناوى تسافر وتبعد
فكر ولو للحظه قد أيه بحبك
مقدرش يا حبيبي
أعيش من غيرك وأحتار
خدنى معاك إنشالله تغيب سنه
إشالله يطول معاك المشوار
المهم عندي يا حب عمري
أكون وياك ثانيه بثانيه
إنشالله يا حبيبي
نروح يا حبيبي آخر الدنيا
آه لو تعرف يا حبيبى
الحب في بعدك ثانيه
أشواقه قد أيه عذاب ونار
يا حبيبى قربك جنه
أنا بس إللي بحس بيها
بعيشها وبتهنى فيها
في قربك ليل ونهار
ليه يا حبيبي
عايز تحرمنى من الجنه
وتخليني أعيش
بعذاب الشوق في النار
الشوق يا حبيبي لهيب
وناره في القلب تقيد
الحب يا حبيبي سُهدْ وآلام
آه لو تعرف قد أيه
صعب قوى الإنتظار
يرضيك تسقينى المر
وتعذبنى ليل ونهار
لا يا حبيبى دا مش عدل
دى قسوه وظلم وإنكسار
لقلب حبك
وإرتاح في قربك بالحلال
أرجوك فكر شويه
وأرجع يا حب عمري عن القرار
كلمات
زغلول الطواب
ليست هناك تعليقات:
إرسال تعليق