قبور الدنيا
عبدالمنعم عدلى..مصر
أخاف عليك يانفسى
لأشوفك بكره
نائمة على الرصيف
فى الشارع
والآاه متحشرجه
بين الضلوع
والحشا بينفجر
من جوع شهر فات
ليه يادنيا
أيامك حكمت عليا
أأكل جيفة التراب
لو كنت زمان
راعيت أبويا وأمى
ماشفت العذاب
فيك ألوان يادنيا
الكبير حاقد
والصغير طبعه حار
والبنت راحت
فى ظلام الأيام
ليه يادنيا
حكمت عليا بالعذاب
ياقبر ياساكن
بعيد فى البرارى
قرب منى حبه
وخليك فاتح بابك
ولامدخلك صغير
أروح لمين
الشارع أصبح
للسكن مفارق
وماعاد لى
الا بابك الوافد
إفتح بابك لى
من غير كفن ولاصلاة
قبل مايشفنى
الناس جثة
فى أكوام الذباله
بقلمى عبدالمنعم عدلى
ليست هناك تعليقات:
إرسال تعليق