إنت فين يا واحشني
إنت فين يا واحشني
مش سائل عني ليه
في إيه عنك حايشني
نسيتني ولا إيه
بعادك طال عليا
وشوقي لك بيزيد
أرحم دموع عينيا
وبلاش عذاب جديد
ساعات البعد طالت
وفايتلي قلبي حزين
وعينيا الليل مانامت
ودموعي على الخدين
ياروحي البعد نار
مش قادر خلاص عليه
ماتقولي إيه إللي صار
وناوي على إيه
لو ناوي تشوف غلاوتك
عندي يا حبيبي
دا القلب من قساوتك
شعلل فيه لهيبي
ليه القسوة ليه
وعامل ليه تقيل
دي نظرة من عينيك
تخلي الكون جميل
وتفتح الزهور
واشفى لو عليل
وأشوف الضلمة نور
لو تسأل ياجميل
ويهل الربيع عليا
ولا أشوف يوم خريف
وتفرح بيك عينيا
ويسعد قلبي الضعيف
تعالى يالله قرب
وريني حب وحنان
وعيش تاني وجرب
حضني بتاع زمان
حضني بتاع زمان
وهبه البوهي
ليست هناك تعليقات:
إرسال تعليق