عايز أنسي
السيد الشهاوي
لفت بينا الدنيا ودارت وسقتني كاسات الحرمان
اشرب منها وكل ما باشرب
بيزيد عطشي لأحلي حنان
وعايز انسي وكل ما بانسي
بالقاني وسط النسيان
فاكر ذكرى الحب الغالي
وعايش فيها ذي زمان
اضحك وانا دمعي في عيوني
وافرح وأنا وسط الاحزان
وعمر زماني في يوم ما نصفني
ولا غير طبعه ولا لان
ياللي عنيك ناموا وسابوني
وخلفت معاك كل ظنوني
ليه مبقاش في الدنيا امان؟
########
بصيت في مرايتي وكاني لاول مرة باشوف روحي
اتغيرت صحيح في ملامحي
واللاشيب شعري وجروحي
واللا الغربه في بعدك عني
الايام مبقتشي أيامي
وزماني سبقني وعداني
حسيت اني غريب عن نفسي
بعد ما خد احلي احلامي
مبقاش باقي مني غير رسمي
ولولا الذكري الغاليه في قلبي
يمكن كنت نسيت انا اسمي
السيد الشهاوي
ليست هناك تعليقات:
إرسال تعليق