خضَّاريات
"""""""""'"""" سنين الأسى
""""""""""""''"'' فللي ياسنين الأسى فللي
تركتِ بِ قلوب الناس علة
الفقير بهالدني حامل أساكِ
وحامل من طمع هالناس تلة
روحي ولاتعودي بالسلامة
بلكي بدارنا بتزهرالفلة
عشر سنين راحت من عمرنا
ماسلمت من نيابك أي ملة
أخدت من شباب العمر نصا
ومن الحسرات خدتِ ألف حلة
ياريتا ترجع ربوع المحبة
وننسى سنين فاحت بالمذلة
بدنا ولادنا يعيشوا بمحبة
تعالي ياسنين الخير هللي
هلي وبشرينا بالكرامة
عطينا بس شي مرة علامة
بأنك ضد أهل الشر معنا
وعن بغض المنافق ماتكلي
بلكي بيلتقوا الغياب بلكي
على سفرة عشا بالجمع بركة
بنتسامح وبنصافح بعضنا
وقلوب الحب من بعضا تملي
بدنا نروح نزرع غصن تينه
ونسقي بالمحبة هالجنينة
ونقطف ورد ونوزع عبيرا
ونقلع عين ظالم بالمسلة
وإذا ياسنين كنت متل غيرك
تركينا نعيش نحنا عالتجلي
مظهر عبدالله خضار
26/12/2019
ليست هناك تعليقات:
إرسال تعليق