الي حبيبتي وملاك احلامي
الي زهرتي اليانعه وربيعي
الي الماض الذي ولي وانقضي
وما زال يبعث في قلبي الحياه
رساله :للشاعر السيد الشهاوي
واخيرا بعد ما ترددت كتير....
باكتبلك
بس خوفي ما تسمعنيش ويكون زمانك غيرك
حبيبي
ياللي عطر الورد وعبيره في انفاسك ياللي جنتي وعمري في نظره من عيونك
ياللي غار الزهر من بسمه شفايفك والله ورماني الحنين ورجعت اكتب لك
فاكر ذكرياتنا زمان والا انت نسيت نسيت حبك
ياهل تري ياحبيبي نسيت والا القسوه من طبعك
كام ليله فاتت والا هي كام سنه ماعرفشي انا ضيعت عمري في الهوي
والشعر شاب والقلب لسه يادوب شباب
يعد ايام بعدك باليوم
وياما عد النجوم
ومهما البعد طال..... لا بننسي ولا بنقدر نلوم
*****
يومها كنا صغيرين
م الورد واخدين عمرنا
تصحي الفجر ضحكتنا
لو نضحك
وتروي دموعنا وردتنا
لو بكينا
وفرحت بيك وقسمنا حتي لعبتنا
وكبرنا والحب بينا بقاله مليون معني
ومعني
وشربنا من خمر الهوي..... وسكرنا
ونسينا الخوف من عذالنا وحكينا للناس قصتنا
******
وبعد كل ده.... يرضيك
تسمع كلام عذالي
وتفوتني وحدي هنا
بجناح امل داب وانكسر
لاشواقى وحرماني
اقاسي في البعد الامي
واداري عنك دموعي
ولا ذكراك تفارقني
ولا طيفك يغيب عني
ويضيع العمر يوم ورا يوم
وشبابي تدبله جروحي
حبيبي
بكره للايام حاسيبك
بكره اشواقك تجيبك
لما حاتقاسي في بعدي م الليالي
اللي ياما رويناها باحلامنا سوي
بكره تعرف قد ايه قاسيه
وليها طعم تاني
بكره ترجع لو صحيح فاكر
ومش هاجر حاترجع
السيد الشهاوي
ليست هناك تعليقات:
إرسال تعليق