الليلة ليلتى
كلمات اسامة فؤاد الجاولى
الليلة ليلتى انا وبس
رقصنى على واحدة ونص
انا نجم الليلة دى
والكل عليه يبص
مش عايز اشوف زعلان
ولا اشوف حد مبوز
والكل مبسوط فرحان
خلاص انا هتجوز
الليلة فرحان باتنطط
وبارقص ع الاغنية
حياتى راح تتظبط
خلاص ودعت العزوبية
لابس بدلة وببيونة
وحبيبتى لابسة الطرحة
يا ريت الحساد يسيبونا
ويتمم ربى الفرحة
الليلة بتاعتى لوحدى
واليوم مش راح يتكرر
وحبيبتى زى السكر
وكمان شهد مكرر
ومرة واحدة وعلى سهوة
بطلت حتى النادى والقهوة
وحبيبتى هى كل حياتى
وغيرها ابداعمرى ما اهوى
ده فرحى مالهوش زى
والناس كلها سهرانة
رقص شباب الحى
والشارع اللى ورانا
الليلة ليلتى يا جدعان
فرقوا شربات وملبس
مستنيها ومن زمان
الكل يرقص ويهيص
ليست هناك تعليقات:
إرسال تعليق