#الشاعر
بين الفرح وبين الجرح بغير حرف
وانا مش دارس نحو وصرف
أنا فنان وبلاغى الحرف
برسم صورة تخش القلب
وارسم غصن عليه عصفورة
تكون مستورة
جوة العش
أصل حروفى ماتعرف غش
عندى الحرف حقيقه بريئه
مش كام وش
كل كلامى ميزان حساس
بكتب إللى تحسه الناس
يوم عـ الثورة ويوم عـ الحب
يوم عـ الجهل ووجع القلب
يوم على ناس مش عايشه معانا
كل حياتها غش وكدب
بس كلامى بجد رصاص
كل الخلق حتفهم منه
إلا ياناس ابو مخ نحاس
عارفين ليه سموني الشاعر
مش لقصيدة كلام ومشاعر
علشان بقدر اخش القلب
#سعد_البنا
ليست هناك تعليقات:
إرسال تعليق