زمان عَدَّى وراح مِنا...
✍أشرف رسلان
🍃🍃🍃🍃🍃🍃🍃
مَا بين المَاضي
والذِّكرى كَلام وكلام
دُنيا مَاشيه وَخدانا
وِتاهت مِننا الأحلام
زمان الشِّيبه لَقَانا
وحَوط طُوق أمانينا
شَباب كُنا عَايشينه
وزاد الحمل واتملك
وخلى الحزن مالينا
كان الوِش مَشدود
وعيونا بتضوي وعود
كانت فارغة مَاليها حدود
ولا واحده بتملاها
عدى زماني .. . وأنا موجود
بالعافية الكلمة نقراها
والنظر بقا محدود
لاعمرى شيلت همايه
وكت ضاحكة كده معايه
بالطول والعرض ويايا
كما الطاووس وبتمنظر
وأبص لنفسي في مرآيا
وأقول الله يا ماحلايا
دلوقتي صَبحت بَتعَثر
وأشوف الوِش واتحسر
ولو رجعت لمرايتي
هاقول الحمد مش أكتر
ليست هناك تعليقات:
إرسال تعليق