لالة
حبيبتي ولالة
راك بالقلب ظالة
ولا أنا منك مالة
هكذا قالت لالة*
بالمحبة صايلة
عند عمتي باهية
عند خالتي داهية
الحبيبة امّي باكية
ما بيك أنا ساخية
دق القلب واهيا*
ومن نبضو واهية
من عشقو ساهية
تصابيت بنار كاوية
خبّيت، يا أنا، بان عليا
عرفوا الحاذقين ما بيا
زين الشبان ضار* بيا
شافني وحماق عليا
ارسل مرسال وشرح ليا
ناوي الحلال والتضحية
معاي ولادو أغلى أمنية
والله شاهد على حسن النية
عال المحبة والود تعاهدنا
العدول كتبوا، غلاظ* ميثاقنا
زغرودة فالسما سمعوها قلوبنا
وزغرود فالما سمعوها احبابنا
وهكذا مشات قصتنا مع الواد
واحنا بقينا بحلاوتها مع الجواد
نرضاوْ على أحلى الغصان، هما الولاد
هما الأكباد وما عز منهم غير الأحفـاد
مريم الراشدي
لالة = جدتي
واهيا = هنا تعني انتبه
ضار (بي)= حام (حولي)
غلاض = صار غليظا
ليست هناك تعليقات:
إرسال تعليق