ماعرفشي ليه
غنوه للشاعر:السيدالشهاوى
ماعرفشي ليه الفكر خدني
الليله دى وراح بعيد
يقلب العهد الماضي
صحى فيا ذكريات جرح وتنهيد
انا كنت فاكر خلاص نسيت
وشغلت قلبى بحب جديد
وقلت انسي هواك في هواه
امل ضايع وحلم بعيد
*****
اسرح فى عينيه القى عيونك
بتاخدني عيونك للاحلام
وف لمس ايديه القى حنانك
هايمان انا دايما في الاوهام
مع غيرك لا انا داري بروحى
ولا عارف ايه معني الحرمان
توهتنى معاك ظنونى ياحبيبي
اعيش دنياك وانسي زماني
وينام العشاق وعيوني تسهر
تسهر ٠٠مهما عنيك نسيوني
طيفك جنبي وهما معايا
والناس طبعا مش شايفين
وانت غرامك اصله حكايه
واناس طبعا مش عارفين
وانت ٠٠ انت حتي في هجرك
بتعيشنى اللحظه سنين
*****
وماعرفش ايه خدني الليله دي
من زماني ومن مكاني
لنفس المكان اللي عاش فيه حبنا
رجعنى٠٠٠٠ تانى
ومين كان يصدق احنا نتقابل هنا
والايد. في. الايد
وانا كان امالى ياحبيبي كلها
احلم اشوفك من بعيد
القلب دق٠٠٠٠ فين من زمان
وحشتنى والله دقاتك
يا قلبى. لاء مش قد كل الفرح ده
انا وحيا تك
ولمست ايديك ٠٠٠ ونسيت البعد
وطول لياليا. قوام نسيت
ضحكت لي عنيك ٠٠٠ضحكت
ايامي ولياليا من وقت ما جيت
هان عمري والدنيا عليه
من وقت ما جيت
ولاول مره اتمنيت
وياريت يرجع بى زمانى شويه
يا حبيبي ٠٠٠٠٠٠٠٠٠ ياريت
غوه. للشاعر
السيد الشهاوى
ليست هناك تعليقات:
إرسال تعليق