بلدى
@@@
بلدى وصاحيه
ف وشى مكشره
والدين ارهاب
والصلا جمهره
خايف لا خد خطوه لقدام
ارجع بعدها
ميت خطوه لورا
زهقان م الفقر
و م البهدله
وضلام الليل
والنوم فى الخلا
ولا جاه ولا صيت
ولا مال ولا ولا
وبخاف من طعم
اليوم لو حلا
شعب ونازل
لطم وولوله
والتلفزيون
آخر مهزله
والامن عنيه
على دقن الولا
وخلاص الناس
زهقت م الغلا
الشعر ف راسى
ابيض وشاب
من خبط الايد
بالليل ع الباب
دوشه وظيطه
ودبوره وكاب
وعساكر جايه
ساحبها كلاب
وزهقت من الركنه
و م الفضا
وبنام واحلم
عينى مغمضه
عقد السعوديه
خلاص اتمضا
واصحى مخدة نومى
معضضه
الارض اللى ف سينا
ملغمه
والوان الطيف
هربت م السما
شعب فلسطين
فجَّر ملحمه
وحجر من ايد
الطفل اترمى
@@@@@
محمد العمرانى
ليست هناك تعليقات:
إرسال تعليق