💔💔بقيت عادي💔💔
خلاص عادي.....بقيت عادي
لقيت الراحة في بعادي
بقيت بيكي ولا بهتم
حاجات تانية في حياتي أهم
خلاص.. بعدك بقيت راضي
خلاص عادي .....بقيت عادي
لقيت الراحه في بعادي
نسيت حبك نسيت الجرح
قابلت اللي سقاني الفرح
عرفت إن سنين عمري
معاكي عدو ع الفاضي
خلاص عادي بقيت عادي
ولا فارق معايا فراق
وقلبي كأنه وياكي
كان عايش في وهم وفاق
لا بيفكر في يوم فيكي
ولا بيحن ولا بيشتاق
لي ليلة من لياليكي
ومعتبرك خلاص ماضي
خلاص عادي..... بقيت عادي
لقيت الراحة في بعادي
الشاعر أنور محمد
ليست هناك تعليقات:
إرسال تعليق