ليه يا دنيا...
أمتى تروقى وتضحكى
يا دنيا.............لينا
ولا أنتى غاويه أضحكى
الناس............. علينا
بتوعدينا بالأمان
وتفرشى ليناالطريق
حب وهنا
وفرح وأمان
وفى لحظه تاخدى كل شيء
....... .......
ليه كل حلم نحلمه
بقسوتك بتهدميه
نمشى الطريق من أوله
ونقول أكيد هنكمله
تيجي يادنيا تكمليه
....... .......
ليه ألف مره تحلفى
وكل مره تخلفى
نفسى يادنيا تنصفى
وتيجى يوم فى صفى أنا
........ ........
يا دنيا ليه أشمعنى أنا
حزين ومحروم م الهنا
الفرح عندى يادووب ساعات
والحزن عايش ليه سنه
........ ........
أنا ع اللى عاشتو.... لوحاكيت
مايقضنيش..........كل الورق
أنا م اللى شفته....لو باكيت
مايكفنيش..........دمع أتخلق
أبكى عليكى يا دنيا ولا
على سنين......عمر أتسرق
على سنين......عمر أتسرق
بقلم
اشرف القاضى
ليست هناك تعليقات:
إرسال تعليق