وجاه عيدك
................
وهدعى واسمع الدنيا
انا أمى راحت منى
وسابتنى
يارب ترحم الغاليه
وهدى نار بتحرقنى
من الفُرقه
خدت روحى
خدت قلبى
واحساسى
وسيبانى
عايشه فى جروحى
ما بين ناسى
وجاه عيدك
وفين إيدك
أوطى وأبوسها
وألمس خدك الماسى
وأطاطي لك
عشان
عينى
تيجى فعينك
واحضن
قلبك الدافى
وبايدك
طبطبى وشدى
على كتافى
فينك يا أما
فقدت ببعدك
الحنيه
واللمه
ودعوه
ساعة الفجريه
والهمه
وفطار
من ايدك
الصبحيه
وطعمه اللى ما عمره يروح
من بالى
وأحكى عنه
لعيالى
فى وقت الأكل
وأنا قاعده
وقول كانت بتعمل لى
كانت بتقول
وكأنك
بقيتى حكاوى
بحكيها
وطول عمرى
هقول فيها
لحد ما ربنا
يأذن وأقربلك
وبعد الصبر
فى الدنيا
فى الجنه
هشوفك
وهقابلك
.........
نهله على الديب
ليست هناك تعليقات:
إرسال تعليق