أنا عروسة،،،
حبيب عيوني أنا،،
أتواعدنا على الميعاد،
قرب الميعاد،
أتزينت ولبست فستان الزفاف،
لونه أبيض بلون زهرة الياسمين
أتعطرت بعطر الورد كمان
كحلت عيوني،وحمرت خدودي
وشفايفي أحمرت بلون الورد،
نترت شعري على ظهري
ولبست طرحة التل الشفاف،
بصيت في المراية
لاقتني عروسة زي البدر في التمام،
دقت الطبول وعزفت الكمان
أحلى الألحان،
وأنطلقت الزغاريد تملأ المكان
وأتلم المعازيم وأتوزع الشربات،
وكتب المأذون الكتاب،
وسكت صوت العزف،
وصوت المعازيم كمان
وفي قلب الصمت
مسك حبيبي إيدي
وبص في عيوني أجمل النظرات
وقال،،،
أه ياعمري
بقيتي مراتي طول الحياة،
ياسلام ماأجمل اللحظات
و أنا بين أحضان حبيب الفؤاد
أعيش معاه أجمل أيام حياتي
في حب وهنا وهيام،
أتحقق المراد وجمع الحب
بين قلوبنا باقي أيام عمرنا،
عزفت الموسيقى لحن الوفاء
رقصت مع حبيبي أحلى الرقصات
على أنغام دقات قلوبنا
دلوقتي أتحقق الحلم وصار حقيقة
وهى أني بقيت
شهرزاد حياتك وأنت شهريار فؤادي
بقلم عبير جلال26-3-19
ليست هناك تعليقات:
إرسال تعليق