ذكريات الماضى واللى فات
كنا ساكنين بين باب الخلق وقصر عابدين
بين الشعبيين والناس إلى بذيادة مرتاحين..
وبيتنا الكبير كان فيه اعمام و عمات
وكمان كان فيه خيلان ويا خالات ..
الجد والجدة كانوا هما الأساس
وليهم إحترام من كل الناس ..
ليهم المكانة و يا الهيبة
وكان فيهم سماحة و طيبة ..
والبيت معروف ببيت عيلة فلان
ومعروف لكل الحتة والجيران ..
ويتقفل علينا باب ضخم
وكان باب رائع و فخم ..
وفى سطح البيت كنا بنشوف بوضوح القمر
وكان بيحلى معاه اللعب والسهر ..
ومواهب كتيرة كانت فينا
منا اللى كان بيغنى و يشجينا ..
ومنا اللى بيعزف موسيقى تداوينا
وكانوا بيلعبوا ألعاب حلوة تسلينا ..
وكنا أقارب وإخوات
وعشنا أجمل الذكريات ..
وبعد سنين طويلة
وأيام حلوة جميلة ..
إبتدى بعد سنين وقت الفراق
وإتفرق الأقارب والإخوة والأصدقاء ..
منا اللى سافر وبعد بعيد
واللى سكن فى آخر البلد وأصبح وحيد ..
والناس قالوا الدنيا بتفرق بعد قرب
وتخاللى الإخوات والأقارب يعيشوا غرب
كلمات ماهر نور الدين على
ليست هناك تعليقات:
إرسال تعليق