قيدوا الفوانيس
قبل التفليس
دا شعاع النور
لساه بيثور
العتمة فطيس
المعدن واطي
الأصل مطاطي
الحق في وادي
مش لزمه منادي
بدون تأسيس
كوابيس إبليس
الكل منها بيتجرع
إن زاد الزاد يتجوع
العرض مزاد متنوع
بصمة وصورة فيش
كراسة ألوان بهتانه
رصاص مسنون ع الأله
النبض ذخيرة متشاله
خلف بيبان المحابيس
مرسومة يا صورة خوف
علي بطن الجوع المخطوف
بني آدم من دم خروف
متشبع من لبن التيس
قيدوا الفوانيس
طفوا الفوانيس
اللحم الني رخيص ...
.... .... .... .... ....
/ علي فراج /
ليست هناك تعليقات:
إرسال تعليق