( دوخينا يا لمونة ) م/عبد الحميد سالم
طب ليه يا لمونة تدوخينا
دا طول عمر العدد ف اللمون
ليه تجارك بجشعهم بيعصرونا
وناويين يوصلونا للجنون
ليه تلعبى ف عداد حباتنا
ولو أعصابنا تلفت راح نخون
ف ارحمى الغلابة يا لمونة
وكفاية ضحك على الدقون
ويكره بشنطك هيحلونا
دا ربك خلاف الظنون
*******
من قبلك عملتها البطاطس
وكله طلع على راس الزبون
وسوقها كان حايس لايص
والفلوس عشناها كانت تهون
لكن انتى حيالله كوبايةعصير
ومخلل بيفتح شهية بطون
ولو مقدرناش نستغنى عنك
نستاهل نشحت على كوبرى اللمون
*******
ليه كل شويه تطلع لينا سلعة
تعمل أزمة وتتصدر الأخبار
ونتكالب علبها وتقوم فيها ولعة
وتختفى وكل يوم تسمع أسعار
اللى امبارح بخمسة بكرة بعشرة
والمكسب كله ف جيوب أشرار
والفقير تلاقى على خده دمعة
عينه ف الجنة وعين ف النار
مهو العين بصيرة والإيد قصيرة
و أحسن حاجة يعمل مقاطعة
عشان نقضى على جشع التجار
فبلاش تدوخينا يا لمونة
لنقاطعك بجد والله مش بهزار
ليست هناك تعليقات:
إرسال تعليق